A xerente de Interacción, a axencia interactiva máis premiada de Galicia, participou no foro Novos Medios e Contidos Audiovisual- Novomed 09.

O foro, impulsado por AGAPI, reuniu na facultade de Ciencias da Comunicación da Universidade de Santiago de Compostela a expertos representantes das entidades máis destacadas en innovación audiovisual a nivel internacional e nacional. Beatriz Legerén, xerente de Interacción, centrou a súa intervención en definir o sector dos videoxogos como unha industria cultural de gran potencial.
Interacción conta con máis de 10 anos de experiencia no desenvolvemento de videoxogos. Dende a creación de “O Templo”, a primeira aventura gráfica celta en 3D, a compañía deseñou e desenvolveu máis de 10 títulos para todo tipo de plataformas: PC, consolas, internet, teléfonos móbiles, etc.